Simba imekamilisha awamu ya kwanza ya usajili kwa ajili ya michuano ya ligi ya mabingwa msimu ujao ambapo inaelezwa majina 25 yametumwa CAF
Usajili wa CAF unatarajiwa kufungwa keshokutwa Jumatano, Julai 10 2019 ambapo baada ya hapo kwa timu ambazo hazitakuwa zimewasilisha usajili zitatozwa faini
Majina yaliyotumwa CAF ni pamoja na makipa Aishi Manula, Benno Kakolanya na Ally Salim, huku mabeki wakiwa ni Erasto Nyoni, Pascal Wawa, Shomary Kapombe, Mohammed Hussein 'Tshabalala', Tairone Da Silva, Yusuf Mlipili, Gadiel Michael, Kennedy Juma na Gerson Fraga Vieira.
Viungo ni Msudan Shiboub Sharaf eldin, Francis Kahata, Jonas Mkude, Mzamiru Yassin, Said Ndemla na Clatous Chama wakati washambuliaji wakiwa ni pamoja na nahodha John Bocco, Rashid Juma, Wilker Henrique da Silva, Ibrahim Ajibu, Deo Kanda, Miraj Athuman na Meddie Kagere.
