Mtendaji Mkuu wa Simba Crescentius Magori amesema klabu hiyo imejipanga kuandika Historia mpya siku ya tamasha la SImba Day litakalofanyika August 08 uwanja wa Taifa
Aidha Magori amesema maandalizi yanaendelea ambapo Msemaji wa klau hiyo Haji Manara amepewa kazi maalum ya kuandaa wimbo wa Simba
Kuhusu kambi Magori amesema Simba itakwenda nje ya nchi, na watatangaza sehemu wanayokwenda baada ya maandalizi kukamilka
"Tutaenda kufanya mazoezi nje ya nchi kujiandaa na msimu ujao wa mashindano"
"Mambo yakiwa tayari tutawaambia ni nchi gani tutaenda kwa ajili ya kambi ya maandalizi," amesema
"Simba Day itakavyokuwa mwaka huu haijapata kutokea, ni funga kazi. Tumempa kazi Manara kuandaa wimbo maalum wa Simba"
"Kabla ya Simba Day, utapigwa kwenye vituo vya Radio na TV na mitandaoni ili siku ya Simba Day kila shabiki aweze kuimba"
"Wimbo huo utakuwa unapigwa kabla ya mechi za Simba ili mashabiki ambao wapo uwanjani wapate moto kuelekea kwenye mechi"
