Kocha wa Polisi Tanzania Selemani Matola amesema anaamini usajili wa kiungo Francis Kahata umefanywa wakati muafaka na klabu ya Simba
Kahata alikamilisha usajili wa kutua Simba jana akisaini mkataba wa miaka miwili
Kiungo huyo wa Kimataifa wa Kenya aliyetokea klabu ya Gor Mahia, amesajiliwa kuchukua nafasi ya Haruna Niyonzima ambaye hakuongezwa mkataba
Matola amesema kiufundi Kahata na Niyonzima wanafanana vitu vingi lakini Kahata amemzidi Mnyarwanda huyo katika mambo kadhaa
"Kahata ana nguvu na pia ni mzuri kwenye kukaba, Niyonzima anaifaidisha timu zaidi inapokuwa inashambulia," amesema
"Kama Simba wamemsajili Kahata ili kuchukua nafasi ya Niyonzima watakuwa wamefanya jambo sahihi"
Kahata Ni mchezaji mwenye uwezo mkubwa wa kucheza eneo la kiungo
Ni miongoni mwa wachezaji wanaounda kikosi cha timu ya Taifa ya Kenya kilichoshiriki Afcon
Akiwa Gor Mahia, alishinda Kombe la Ligi Kuu mara tatu, kiungo bora wa mwaka wa Ligi Kuu ya Kenya mara mbili na mchezaji bora wa msimu 2018/2019 wa Gor Mahia
