Mtendaji wa klabu ya Simba Crescentius Magori amesema timu hiyo inaendelea na michakato ya usajili na zoezi hilo watalikamilisha wiki hii
Akizungumza na waandishi wa habari baada ya Simba kusaini mkataba wa mwaka mmoja na kampuni ya A-one kudhamini kinywaji cha Mo Xtra kwa Tsh Milioni 250, Magori alisema wiki hii watatambulisha wachezaji zaidi waliosajiliwa na Simba
"Wiki hii ndio mbaya kabisa, tutatambulisha wachezaji wote tuliowasajili," amesema Magori
"Kuna usajiri mkubwa ambao unaweza ukawafanya watu wakazimia kabisa..!"
Simba inadaiwa kukamilisha usajili wa nyota kadhaa wakiwemo kiungo Francis Kahata kutoka Gor Mahia, Walter Bwalya kutoka Nkana Fc na Ibrahim Ajib ambaye utambulisho wake unasubiriwa kwa hamu
Usajili wa CAF uliokuwa ufike tamati jana, umeongezwa siku 10 zaidi ambapo tarehe ya mwisho ya kukamilisha usajili bila faini ni Julai 10 2019
