Nyota TP Mazembe atua kwa mkopo Simba

Mshambuliaji wa TP Mazembe Deo Kanda aliyewasili jijini Dar es salaam juzi, anajiunga na Simba kwa mkopo wa mwaka mmoja

Klabu ya TP Mazembe imethibitisha kuwa Kanda amesafiri kuja nchini kujiunga na Simba, mabingwa wa Tanzania Bara

Kanda mwenye umri wa miaka 30 alijiunga na Mazembe kwa mara ya kwanza mwaka 2010 baadae kuondoka kisha kurejea tena

Miongoni mwa mataji makubwa aliyotwaa akiwa Mazembe ni taji la ligi ya mabingwa huku akipata nafasi ya kucheza michuano ya kombe la dunia la vilabu mwaka 2015 akiwa sambamba na akina Mbwana Samatta

Mshambuliaji huyo anatajwa kutua nchini kuchukua nafasi ya Okwi ambaye bado amekuwa mgumu kusaini mkataba kuendelea kubaki Msimbazi