Hatma ya Okwi kujulikana kabla ya Juni 30

Kiwango alichoonyesha mshambuliaji Emmanuel Okwi kwenye michuano ya AFcon 2019, kimewafanya mabosi wa Simba kufanya jitihada za kumbakisha Msimbazi

Okwi ameifungia Uganda mabao mawili kwenye michuano hiyo inayoendelea nchini Misri

Hatma ya mshambuliaji huyo inatarajiwa kufahamika ndani ya siku mbili kwani Simba inapaswa kutuma majina ya kikosi chake kwa ajili ya michuano ya ligi ya mabingwa tarehe ya mwisho ikiwa Jumapili ya Juni 30

Juzi Okwi aliwaambia waandishi wa habari kuwa anafurahia sapoti anayoipata kutoka kwa mashabiki wa Simba na akasema jambo lolote linaweza kutokea

Akimaanisha kwamba upo uwezekano wa kusaini mkataba mpya wa kuendelea kubaki Msimbazi