Chama aongeza miaka miwili Simba

Kiungo fundi Clatous Chama naye ameongeza miaka miwili kuendelea kuwatumikia mabingwa wa soka Tanzania Bara, Simba

Mzambia huyo aliyetua Simba msimu uliopita kutoka Power Dynamos, ataendelea kubaki Msimbazi kwa miaka miwili zaidi

Uongozi wa Simba umethibitisha leo kuongezwa mkataba wa Chama kupitia utaratibu wake wa kutambulisha wachezaji waliosajiliwa unaofanyika kila siku saa saba mchana

"Mfungaji wa magoli ya mwisho ambayo yalitupeleka kwenye hatua ya makundi na robo fainali ya Ligi ya Mabingwa Afrika, Clatous Chota Chama (Triple C) bado yupo sana Msimbazi. Mwamba wa Lusaka ataendelea kuwa sehemu ya kikosi cha Mabingwa baada ya kusaini mkataba mpya wa miaka miwili," imesema taarifa ya Simba