Magori afunguka usajili wa Kotei

Mtendaji Mkuu wa Simba Crescentius Magori amesema suala la usajili wa kiungo James Kotei ni makubaliano binafsi ya mchezaji na klabu

Akihojiwa na eFM mapema leo, Magori amesema utaratibu uliopo ni kuwa wanawatangaza wachezaji waliosajiliwa baada ya kumalizana nao

Hivyo suala la Kotei haliwezi kuwekwa wazi sasa kwa kuwa bado kuna mazungumzo yanaendelea baina ya pande mbili

Kumekuwa na sintofahamu kuhusu usajili wa kiungo huyo raia wa Ghana ambaye tetesi zimesambaa kuwa Yanga imejitosa kuiwania saini yake licha ya Makamu Mwenyekiti wa timu hiyo kukanusha

Upo uwezekano mkubwa kiungo huyo hataendelea kubaki Msimbazi