Mazoezi ya Kagere huko Rwanda usipime

Baada ya msimu kumalizika, wachezaji ambao hawakuwa na majukumu ya timu za Taifa zinazoshiriki michuano ya Afcon 2019, walirejea makwao kwa ajili ya mapumziko

Meddie Kagere mfungaji bora wa ligi kuu ya Tanzania Bara ni miongoni mwa wachezaji wa Simba ambao wako mapumziko wakisubiri kuanza kwa msimu mpya

Hata hivyo Kagere anaendelea kujifua kikamilifu kuelekea msimu mpya

Baada ya kusaini mkataba mpya wa miaka miwili kuendelea kuwatumikia Simba mabingwa wa Tanzania Bara, Kagere amepania kuendeleza moto aliomaliza nao msimu

Kagere aliibuka kuwa mfungaji bora wa ligi kuu ya Tanzania Bara akifunga mabao 23 huku pia akin'gara kwenye michuano ya ligi ya mabingwa barani Afrika, akifunga mabao sita kwenye michuano hiyo