Anapokuwa timu ya Taifa ya Uganda, beki Juuko Murshidi ni mmoja wa wachezaji tegemeo wa timu hiyo
Akiwa na kikosi cha Uganda Cranes nchini Misri, Juuko alin'gara kwenye mchezo dhidi ya DR Congo, mchezo ambao Uganda ilishinda kwa maao 2-0
Lakini katika misimu minne aliyokuwa na Simba, Juuko alikosa nafasi ya kudumu kwenye kikosi cha kwanza
Wengi wamekuwa wakijiuliza kwa nini Juuko anapokuwa timu ya Taifa anafanya vizuri lakini awapo klabuni haonekani
Sababu kubwa ya Mganda huyo kutoaminiwa na makocha wengi waliopita Simba ni nidhamu yake
Licha ya ubora wake, Juuko anatajwa kuwa miongoni mwa wachezaji ambao sio wafuatiliaji wa yale wanayoelekezwa na walimu
Je anafanya makusudi? kwani hali ni tofauti anapokuwa na timu ya Taifa
Juuko amefungashiwa virago kunako klabu ya Simba baada ya kocha Patrick Aussems kupendekeza aachwe
Sio yeye tu, inaelezwa Aussems alipendekeza nyota waliokuwa na nidhamu mbovu waachwe bila ya kujali majina yao
Simba imesajili mabeki wawili Gerson Vieira na Kennedy Juma na hivyo kuondoa uwezekano wa Mganda huyo kufikiriwa kurejea Msimbazi
