Mashabiki wa Simba wamekuwa na shauku kubwa ya kufahamu wachezaji wapya wa kigeni waliosajiliwa na timu hiyo hasa baada ya kuibuka taarifa kuwa mabingwa hao wa Tanzania Bara wamekusudia kuacha nyota saba wa kigeni
Mpaka sasa ni nyota wawili tu wa kigeni kiungo Sharaf Eldin Shiboub na mshambuliaji raia wa Brazil Wilker Henrique da Silva waliosaini
Uongozi wa Simba uko makini na mchakato wa usajili wa nyota hao wa kigeni ambapo inaelezwa unatumia kampuni maalum kuwafuatilia
Wengi wamejiuliza Simba imeweza vipi kujiridhisha na uwezo wa mfano Wilker ambaye alikuwa akicheza Brazil timu ya madaraja ya chini
Kazi kubwa imefanywa na kampuni hiyo ambayo ilipewa kazi na Mwenyekiti wa Bodi ya Wakurugenzi Mohammed Dewji 'Mo'
Inaelezwa Simba ina nyota wengine wawili kutoka Brazil ambao huenda wakapewa mikataba
Jambo jema ni kwamba usajili wa Simba unazingatia zaidi ushiriki wa michuano ya ligi ya mabingwa barani Afrika msimu ujao, hivyo nyota wapya hasa wa kigeni kigezo namba moja ni kujiridhisha na uwezo wao
Mwenyekiti wa Simba Swedi Mkwabi amesema mchakato wa usajili uko ukingoni na pengine mwishoni mwa wiki nyota wote watakaoitumikia Simba msimu ujao watakuwa wanafahamika
Leo Simba itaendelea na utambulisho wa wachezaji waliosaini mikataba
