Kutopangwa kwa kiraka Erasto Nyoni dhidi ya Senegal jana kunatajwa kuwa sababu ya Stars kupoteana sehemu ya katikati na kujikuta ikishambuliwa kwa muda wote wa mchezo wa kwanza wa kundi C michuano ya Afcon ambao Stars ilikubali kipigo cha mabao 2-0
Pamoja na ubora wa Senegal, wadau na wachambuzi mbalimbali wa soka nchini wanaamini Nyoni alipaswa kucheza mchezo wa jana
Kocha Emmanuel Amunike alimtumia David Mwantika sehemu ya ulinzi
Mwantika aliongezwa kikosi cha Stars kuchukua nafasi ya Aggrey Moris aliyeumia siku chache kabla ya michuano ya Afcon kuanza
Upande wa viungo wa kati Amunike aliwatumia Feisal Salum 'Fei Toto' na Mudathir Yahya
Fei Toto hakuwa na mchezo mzuri na alilazimika kumtoa kabla ya kipindi cha kwanza kumalizika
Wengi wanaamini Nyoni alipaswa kucheza nafasi ya kiungo au beki wa kati ashirikiane na Yondani
"Tunaheshimu uwezo wa Senegal, ni timu namba moja kwa ubora barani Afrika, pia tunaheshimu uamuzi wa kocha Amunike kuanza na kikosi kilichocheza lakini tunadhani uzoefu wa mchezaji kama Erasto Nyoni ulihitajika pale katikati," amesema Oscar Oscar mchambuzi mahiri wa soka nchini
cutMara kwa mara Amunike amekuwa akilaumiwa kwa kutopanga kikosi cha Stars kwa kufuata ubora wa wachezaji waliopo
Amunike pia amekosolewa kwa kuwabadilishia majukumu baadhi ya wachezaji hali inayopelekea wachezaji hao kushindwa kuonyesha ubora wao
Kwenye mchezo wa jana Amunike alimuanzisha John Bocco namba 11 ambapo muda mwingi alikuwa akifanya majukumu ya ulinzi kutokana na Stars kushambuliwa sana
Himid Mao alipangwa namba saba na baadae akamrudisha nafasi ya kiungo baada ya kumtoa Fei Toto
Farid Mussa na Thomas Ulimwengu ambao walianzia benchi, walipoingia waliongeza uhai kwenye safu ya ushambuliaji iliyoongozwa na Mbwana Samatta na Saimon Msuva ambaye hata hivyo jana alicheza chini ya kiwango kabla ya kufanyiwa mabadiliko
