Okwi aanza na mguu mzuri Afcon

Mshambuliaji wa Simba Emmanuel Okwi jana aliibeba timu ya Taifa ya Uganda kuipa kichapo cha mabao 2-0 DR Congo inayonolewa na makocha watatu akiwemo Mwinyi Zahera wa Yanga

Kwenye mchezo huo Okwi aliibuka nyota wa mchezo akiifungia Uganda bao la pili

'Okwinyo' alikuwa kwenye ubora wa hali ya juu, na hakika Mganda huyo 'anatisha'

Kumekuwa na taarifa kuwa Simba imeachana nae baada ya kushindwana upande wa maslahi

Lakini hakuna shaka Simba inamuhitaji sana Okwi kwani uzoefu wake kwenye michuano ya Kimataifa ni silaha muhimu kuelekea michuano ya ligi ya mabingwa msimu ujao