Klabu ya Simba inatarajiwa kukamilisha usajili wake wiki ijayo ambapo kikosi cha timu hiyo kitawekwa hadharani baada ya zoezi hilo kukamilika
Mtendaji Mkuu wa Simba Crescentius Magori amesema kwa sasa yanayozungumzwa kwenye mitandao ya kijamii kuhusu baadhi ya wachezaji kuachwa yatabaki kuwa tetesi
"Mashabiki wetu wawe na subira, usajili ukikamilika kila kitu kitawekwa hadharani," amesema
"Tutaendelea kutambulisha wachezaji wetu kupitia kurasa zetu za mitandao ya kijamii na pengine wiki ijayo kazi hiyo ya usajili itakamilika"
Juni 30 ndio tarehe ya mwisho ambayo Simba, Yanga, Azam Fc na KMC zimetakiwa kuwasilisha usajili wao kwani dirisha la usajili la CAF litafungwa Julai mosi 2019
Simba imewaongezea mikataba Aishi Manula, John Bocco, Erasto Nyoni, Jonas Mkude na Meddie Kagere huku ikiwasajili wachezaji wapya Beno Kakolanya, Ibrahim Ajib, Kennedy Juma, Miraji Athumani, Sharifa Eldin Shiboub na Wilker Henrique da Silva
Zoezi hilo la usajili inaelezwa limekamilika kwa asilimia kubwa ambapo nyota wengine wa kigeni na wa ndani waliosaini mikataba watatambulishwa wiki ijayo
Gumzo kwenye mitandao ya kijamii ni taarifa za kutoongezewa mikataba kwa viungo James Kotei na Haruna Niyonzima ambao inaelezwa kuwa ni miongoni mwa nyota ambao wataachwa
Wengi wametoa maoni kubwa Simba itafanya makosa makubwa kama itawaacha wachezaj hao waliokuwa na mchango mkubwa msimu uliopita
