Kagera atabaki Msimbazi kwa miaka mitatu

Baada ya kuongeza mkataba wa miaka miwili, mshambuliaji wa Simba Meddie Kagere sasa ataendelea kubaki Msimbazi kwa miaka mitatu

Wakala wa mchezaji huyo Patrick Gakumba amethibitisha kuwa Kagere alikuwa na mkataba wa mwaka mmoja kabla ya kuongeza miaka miwili

Simba imeamua kumpa Kagere mkataba wa muda mrefu kutokana na mchezaji huyo kuzivutia timu nyingi barani Afrika

Kama Simba ikiamua kumuuza wakati akiwa na mkataba wa mda mrefu itavuna pesa nyingi zaidi

Hivi karibuni Mtendaji wa Simba Crescentius Magori alisema timu kadhaa zimewasilisha ofa mezani zikitaka kumsajili mshambuliaji huyo aliyeibuka mfungaji bora ligi kuu ya Tanzania Bara baada ya kufunga mabao 23

Miongoni mwa timu hizo ni pamoja na Zamaleki ambayo jana Gakumba alikanusha tetesi za timu hiyo kutaka kutoa kitita cha Bil 1.2 ili kumsajili

Timu nyingine zilizoonyesha nia ya kumtaka Kagere ni Mamelodi Sundowns na TP Mazembe

Kagere amekuwa na mchango mkubwa kwenye kikosi cha Simba, Mo ana kila sababu ya kumzuia asiondoke