Zinazoshiriki michuano ya CAF zatakiwa kuharakisha usajili

Dirisha la usajili Tanzania lilifunguliwa Juni 15 2019 na linatarajiwa kufungwa Julai 31 2019

Hata hivyo Shirikisho la Mpira wa Miguu Tanzania (TFF) limeitaka Simba na timu nyingine zitakazoshiriki michuano ya CAF msimu ujao zikamilishe usajili ifikapo Juni 30 2019

Dirisha la usajili wa CAF litafungwa Julai 01, 2019

Simba mabingwa wa Tanzania Bara watashiriki michuano ya ligi ya mabingwa barani Afrika msimu ujao sambamba na Yanga ambayo walipata nafasi kutokana na mafanikio ya Simba ya kufika robo fainali ya michuano hiyo msimu uliopita

Azam Fc na KMC zenyewe zitashiriki michuano ya kombe la Shirikisho Barani Afrika

Simba inaendelea kutambulisha wachezaji waliosajiliwa kuitumikia timu hiyo msimu ujao