Mkuu wa mkoa wa Dar es salaam Mh Paul Makonda ameahidi kuipa klabu ya Yanga eneo la kujenga uwanja Kigamboni jijini Dar es salaam
Makonda ameyasema hayo leo katika Harambee ya kuichangia Yanga iliyofanyika ukumbi wa Diamond Jubilee jijini Dar es salaam
Mapema katika hafla hiyo, Rais Mstaafu awamu ya Nne Dk Jakaya Kikwete alisema kuwa alitoa fedha Milioni 30 zilizonunulia eneo la uwanja wa Simba ulioko Bunju nje kidogo ya jiji la Dar es salaam
Dk Kikwete alisema wakati huo Simba ikiwa chini ya Mwenyekiti Ismail Aden Rage, viongozi walimfuata ofisini kwake wakamuomba awachangie kiasi hicho cha fedha waweze kununua eneo hilo la uwanja
Makonda amesema Wanasimba wanatambua mchango wa Dk Kikwete na wanauthamini na kuonyesha kwamba jambo alilolifanya lilikuwa na thamani kubwa, nae ameahidi kuwapa Yanga eneo la kujenga uwanja Kigamboni
Amewataka viongozi wa Yanga wafike ofisini kwake siku ya Jumatatu wakiwa na nyaraka za klabu ili waende wakakabidhiwe eneo hilo
