Saa saba mchana ndio habari ya mjini

Uongozi wa Simba umewesema kipindi hiki cha usajili saa saba kamili mchana kila siku atatambulishwa mchezaji mmoja aliyemwaga wino Msimbazi

Zoezi hilo lilianza na nahodha John Bocco, Aishi Manula, Erasto Nyoni, Jonas Mkude na jana Beno Kakolanya

Juzi Mtendaji Mkuu wa Simba Crescentius Magori alisema utaratibu huo ndio utakaotumika kutambulisha wachezaji wapya wanaosajiliwa na Simba msimu huu

Alisema orodha ya nyota waliosaini Simba ni ndefu, amewataka wanachama na mashabiki wa Simba kuwa na amani kwani wakati huu kazi zinafanywa kwa weledi mkubwa

Msemaji wa Simba Haji Manara amesema leo saa saba mchana wanatarajia kuachia jina la nyota mwngine aliyemwaga wino Msimbazi