Mshambuliaji wa Kagera Sugar Ramadhani Kapera ni miongoni mwa wachezaji wa ndani wanaowaniwa na mabingwa wa Tanzania Bara Simba
Kapera aliyefunga mabao tisa ligi kuu msimu huu, anatajwa kuwaniwa na Simba akiwa miongoni mwa wachezaji wazawa wachache waliopendekezwa kusajiliwa na kocha Patrick Aussems
Mwenyewe amethibitisha kuwepo kwa mazungumzo, akisubiri kukamilishiwa kwa mahitaji yake ili aweze kumwaga wino mkataba wa miaka miwili Msimbazi
"Ni kweli Simba wananitaka na mazungumzo yanaendelea vizuri hivyo, lolote linawezekana katika soka kwani, ndio kazi yangu," Kapera amenukuliwa na Mwanaspoti
Inaelezwa Kapera ametaka kuongezewa dau la usajili, akikataa ofa ya Tsh Milioni 15 iliyotolewa awali
Timu nyingine zinazotajwa kumuwania Kapera ni KMC ya Dar es Salaam na Azam FC ambazo zote zitashiriki michuano ya kombe la Shirikisho msimu ujao
