Kinara wa mabao ligi kuu Uganda kumalizana na Simba

Mabingwa wa soka Tanzania Bara Simba hawana presha kabisa na usajili kutokana na ubora wa kikosi chao kilichomaliza msimu kwa mafanikio makubwa

Kuelekea maandalizi ya msimu mpya mabosi wa Simba tayari wameanza kuyafanyia kazi mapendekezo yaliyoachwa na kocha Patrick Aussems ambaye ametaka kusajiliwa wachezaji angalau wanne kuongeza nguvu kwenye kikosi chake

Mganda Juma Bulinya anayechezea timu ya Polisi ni miongoni mwa wachezaji wanaokaribia kutua Msimbazi

Majuzi Patrick Gakumba aliiletea timu hiyo majembe matatu, Bulinya ni miongoni mwa wachezaji hao

Askari Polisi huyo alimaliza kinara wa ufungaji ligi kuu ya Uganda akiweka kambani mabao 19

Inaelezwa mazungumzo ya kumsajili mchezaji huyo yamekamilika na wakati wowote atasaini mkataba