Mkuu wa mkoa wa Dar es salaam Mh Paul Makonda leo ametimiza ahadi ya kuwatunza wachezaji wote wa Simba walioibuka na tuzo kwenye hafla ya Mo Simba Awards lililofanyika mwishoni mwa wiki Kilimanjaro Hotel jijini Dar es salaam
Makonda ambaye ni mdau mkubwa wa klabu ya Simba amesema zawadi hizo ni sehemu ya kutambua mchango wao lakini pia ni hamasa kufuatia ubingwa wa ligi kuu waliotwaa pamoja na kufanya vizuri kwenye michuano ya ligi ya mabingwa barani Afrika kwa kufika hatua ya robo fainali
Amewataka wachezaji hao kutumia fedha hizo kuanzisha miradi ya maendeleo itakayowasaidia kuingiza kipato pindi watakapostaafu mpira huku akiwataka kutumia umaarufu na Brand zao kujiingizia kipato
Waliopata zawadi hizo ni wachezaji wote waliotwaa tuzo Mo Simba Awards wakiongozwa na mlinda lango Aishi Manula ambaye yeye alipata Tsh Milioni 10 ikiwa ni ahadi aliyoitoa Makonda mapema kwa mlinda lango huyo wakati wa michuano ya ligi ya mabingwa
cutWengine ni Meddie Kagere, Rashid Juma, John Bocco, Erasto Nyoni, Clatous Chama na James Kotei
Mwanahamisi Omary Shurua, mchezaji bora wa kike alipata Milioni mbili na msemaji wa Simba Haji Manara amepatiwa milioni tatu kama sehemu ya kutambua mchango wake kwenye uhamasishaji
Makonda amewataka wachezaji kuchukulia michezo kama pesa, uchumi, amani na biashara inayoweza kuwafanya wao binafsi wanufaike kiuchumi na taifa lipate mapato ya kutosha kupitia mapato yanayoenda kwenye manispaa
