Kiungo fundi wa Simba Haruna Niyonzima ni miongoni mwa wachezaji ambao mikataba yao ya kuwatumikia mabingwa hao wa Tanzania Bara imemalizika lakini bado mazungumzo ya mkataba mpya hayajafanyika, imefahamika
Niyonzima aliyetua Simba misimu miwili iliyopita akitokea Yanga, alianza maisha yake Msimbazi kwa kusuasua akikaa nje ya dimba mda mrefu kutokana na majeraha na mgogoro wa mkataba wake
Hata hivyo Niyonzima alimaliza msimu vizuri hali iliyopelekea amshawishi Patrick Aussems, Mkufunzi wa Simba ambaye aliagiza aongezwe mkataba
Inaelezwa moja ya sababu inayochelewesha mkataba wa Niyonzima ni dau kubwa la usajili analotaka
Hata hivyo Niyonzima amesema ana matumaini ataendelea kubaki Simba kwa kuongeza mkataba mwingine
"Ningependa kuendela kubaki hapa Tanzania na hasahasa kucheza hapa Simba kwani naamini ni sehemu pekee ambayo naweza kutimiza malengo ya kutwaa ubingwa wa Afrika," amesema
"Lakini uamuzi uko kwa viongozi wa Simba. Tayari nina ofa kutoka timu nyingine, kama watachelewa kunipa mkataba basi nitafanya uamuzi ambao utakuwa na manufaa kwangu"
cutInaelezwa Simba iko kwenye mazungumzo na wachezaji watatu wa kigeni ambao wameletwa nchini na Wakala Patrick Gakumba aliyefanikisha usajili wa Meddie Kagere
Simba ina wachezaji 10 wa kigeni na italazimika kuwaacha baadhi ya wachezaji ili kuongeza wapya
Gharama ya mkataba wa Niyonzima inaweza kuwa sababu ya kiungo huyo kutoongezwa mkataba
Asante Kwasi, Nicholas Gyan na Zana Coulibaly nao wako hatarini wakati Mganda Juuko Murshidi yeye tayari ameondoka baada ya mkataba wake kumalizika
Aidha, mshambuliaji Emmanuel Okwi yeye amegoma kusaini mkataba mpya akiomba kujipanga na atafanya uamuzi baada ya mishuano ya AFCON 2019 inayoanza Juni 21 nchini Misri
Okwi anahusishwa na timu kadhaa za ligi kuu ya Afrika Kusini
