Mchezo wa ligi kuu kati ya Singida United dhidi ya Simba ambao awali ulipangwa kupigwa May 22, umerudishwa nyuma kwa siku moja na sasa utapigwa May 21 2019
Mtendaji Mkuu wa Bodi ya Ligi Boniface Wambura amesema wamelazimika kuurudisha nyuma mchezo huo nyuma licha ya Simba kukabiliwa na mchezo dhidi ya Ndanda Fc May 19 kutokana na muda uliobaki kabla ligi kumaliza
Aidha Simba inakabiliwa na mchezo wa Kimataifa wa kirafiki dhidi ya Sevilla May 23
Wambura amesema ligi inapaswa kumalizika May 28
Kwa maana hiyo Simba itashuka dimbani May 16, May 19, May 21, May 23, May 25 na May 28
Kwa wastani wachezaji watakuwa wakipumzika siku moja tu
Aidha mchezo dhidi ya Singida United utapigwa mkoani Singida kwa maana hiyo Simba italazimika kuanza safari ya kuelekea Singida baada ya mchezo dhidi ya Ndanda Fc kwani kutakuwa na siku moja ya kujiandaa kabla ya kushuka tena dimbani
Baada ya mchezo huo Simba itarejea jijini Dar es salaam kuiwahi Sevilla Fc, mchezo wa Kimataifa wa kirafiki utakaopigwa uwanja wa Taifa, May 23
