Simba yasaka alama saba kutoka mechi tano, kuanza na Mtibwa Sugar kesho

Mabingwa watetezi ligi kuu ya Tanzania Bara Simba kesho Alhamisi watashuka kwenye uwanja wa Uhuru kuikabili Mtibwa Sugar katika mchezo wa kwanza baina ya timu hizo msimu huu

Baada ya kukosa ushindi katika michezo miwili iliyopita, kocha Patrick Aussems amesema mchezo wa kesho ni wa kufa au kupona kwa timu yake kuondoka na alama zote tatu

Jana baada ya Yanga kuifunga Ruvu Shooting bao 1-0, Simba imeshushwa katika nafasi ya pili kwenye msimamo wa ligi ikiwa na alama 82 wakati Yanga imefikisha alama 83

Hata hivyo Simba ina michezo mitatu ya viporo na kama itavuna alama saba kutoka michezo hiyo, basi itatwaa ubingwa ikiwa na mechi mbili mkononi

Kati ya michezo mitano iliyobaki, michezo mitatu itapigwa jijini Dar es salaam