Aliyekuwa mlinda lango wa Yanga Beno Kakolanya amesema kama atajiunga na Simba hahofii changamoto ya kupata namba mbele ya Aishi Manula
Kakolanya ni mchezaji huru baada ya TFF kuvunja mkataba wake na Yanga
Kakolanya aligoma kuichezea timu hiyo akishinikiza alipwe malimbikizo ya mishahara na fedha za usajili
Anahusishwa na timu za Simba na Azam Fc lakini Simba ikitajwa kuwa na nafasi nzuri zaidi ya kumsajili
"Kwa sasa mimi ni mchezaji huru, niko tayari kujiunga na timu yoyote tutakayofikiana makubaliano," amesema
"Kama Simba itanifuata na kukubali mahitaji yangu, nitajiunga nayo. Simhofii mchezaji yeyote, najiamini na niko tayari kukabiliana na changamoto yoyote"
Simba ina makipa watatu wa kikosi cha kwanza Aishi Manula, Deogratius Munishi na Ali Salim
Kama itamsajili Kakolanya basi huenda ikaachana na 'Dida' aliyetua mwanzoni mwa msimu kutokea Afrika Kusini
