Msemaji wa klabu ya Simba Haji Manara amewataka mashabiki wa timu hiyo kujitokeza kwa wingi uwanja wa Uhuru leo kuiunga mkono timu yao itakayochuana na Azam FC
Manara amesema mchezo dhidi ya Azam hautakuwa mwepesi kwao na hata kwa wapinzani wao lakini ni lazima kupata matokeo ili kuweza kutwaa ubingwa
Amesema mashabiki ni vyema wakafika uwanjani kuwaunga mkono wachezaji, wasisubiri ubingwa kwenye TV
"Ni Mechi ngumu kwelikweli kwa pande zote mbili,ingawa presha ipo kwetu lakini ili ushinde ubingwa lazima tupate matokeo kwenye mechi kama hizi," amesema
"Niseme nini zaidi ya kuwasihi sana mashabiki wetu wasituangushe leo, tuje kuujaza Uwanja ili tuwape nguvu wachezaji wetu.
"Tusisubirie ubingwa katikaTV pekee ,tusogee Uhuru jioni ili tuziweke hesabu katika daftari"
Katika michezo ya hivi karibuni ambayo Simba imecheza uwanja wa Uhuru, idadi ya mashabiki imekuwa ikipungua hali iliyomshangaza Manara, muhasishaji huyo namba moja wa Simba
Hata hivyo mvua zinazoendelea kunyesha jijini Dar es salaam zimekuwa kikwazo kwa mashabiki kujitokeza kwa wingi uwanjani
