Uongozi wa Simba huenda usifanye usajili mkubwa wa wachezaji wazawa baada ya kocha Mkuu wa timu hiyo Patrick Aussems kupendekeza kuboresha mikataba ya wachezaji waliopo
Wakati msimu wa ligi ukielekea ukingoni, tayari michakato ya usajili imeanza na Simba imepanga kuimarisha kikosi chake
Hata hivyo imeelezwa wachezaji wapya watakosajiliwa na Simba wanapaswa kuwa na viwango vikubwa zaidi ya waliopo.
Kutokana na kigezo hicho, Aussems ameona ni bora kuboresha mikataba ya wachezaji wazawa alionao kwani nje ya Simba hakuona wachezaji wazuri zaidi yao
Hivi karibuni Aussems alinukuliwa na chombo kimoja cha habari akisema kikosi chake hakitakuwa na mabadiliko makubwa, atasajili wachezaji wanne ambao nafasi wanazocheza ni walinzi wawili, kiungo mmoja na mshambuliaji mmoja
Katika hatua nyingine, Simba imeanza mazungungumzo ya kuhuisha mikataba ya wachezaji wake waandamizi
Aishi Manula, Paschal Wawa, Shomari Kapombe, Said Ndemla, James Kotei, Erasto Nyoni, John Bocco, Jonas Mkude, Emmanuel Okwi,Asante Kwasi, Haruna Niyonzima na Nicolas Gyan ni miongoni mwa wachezaji ambao mikataba yao inamalizika mwishoni mwa msimu
