Straika Mzambia kujaribiwa mechi ya KMC

Mshambuliaji kutoka mabingwa wa ligi kuu ya Zambia, Jonas Sehukawa yuko kwenye kikosi cha Simba tangu Jumatatu akifanya majaribio.

Kocha msaidizi wa Simba Masudi Djuma ambaye ndiye anayesimamia mazoezi kwa sasa, amesema Mzambia huyo ameonyesha kiwango kizuri mpaka sasa lakini anahitaji kumuangalia zaidi katika mechi.

Hivyo katika mchezo wa kesho ambao Simba itaivaa KMC, Sehukawa atapata nafasi rasmi ya kuichezea Simba ili kulipa nafasi benchi la Ufundi liweze kumuangalia kabla ya kufanya maamuzi ya kumpa mkataba.

Iwapo Sehukawa atafuzu majaribio, Simba huenda ikaachana na Laudirt Mavugo anayewaniwa na Gor Mahia ya Kenya.