Mabingwa watetezi ligi kuu ya Tanzania Bara Simba leo wako uwanja wa Uhuru wakipepetana na Coastal Union katika mchezo ambao matokeo ya ushindi yataihakikishia Simba kurejea rasmi kileleni mwa msimamo wa ligi
Simba inayoshika nafasi ya pili ikiwa na alama 78, inahitaji alama mbili tu kuweza kuongoza ligi na kuishusha Yanga kwenye nafasi ya pili
Meneja wa Simba Patrick Rweyemamu amesema wamejiandaa vizuri kuelekea mchezo huo na wana matumaini makubwa ya kuondoka na alama zote tatu
Juzi kocha wa mabingwa hao watetezi Patrick Aussems alisema wanahitaji kushinda michezo yote mitano itakayopigwa uwanja wa Uhuru kuanzia leo ili kuweza kutwaa ubingwa mapema
Msemaji wa klabu ya Simba Haji Manara amewataka mashabiki wa timu hiyo kujitokeza kwa wingi uwanja wa Uhuru kwenye mchezo wa leo na michezo mingine minne itakayopigwa katika uwanja huo ili kuwapa sapoti wachezaji kutekeleza lengo la kutetea ubingwa kabla kuikabili Sevilla May 23
