Kiungo fundi wa Simba Haruna Niyonzima 'Fabregas' amesema licha ya kikosi chao kuwa na nafasi nzuri ya kutwaa ubingwa kwa msimu wa pili mfululizo, wanahitaji kupambana ili kufanikisha malengo yao
Niyonzima amesema wanakabiliwa na ushindani mkali kutoka kwa wapinzani wao kutokana na dhana iliyojengeka kuwa waamuzi wanawapendelea
"Tuna nafasi kubwa ya kuwa mabingwa msimu huu, lakini kwa kuwa tayari kuna dhana mbaya juu yetu inaenezwa kama tusipokuwa makini inaweza kutuathiri
"Kila mechi tunayopata ushindi lazima wapinzani wetu walalamike kwa kudai waamuzi wanatupendelea hiki kitu ni kibaya na kinaweza kutuvurugia malengo.
"Kwa michezo yetu mitatu tuliocheza unaona kabisa hakuna suala la kupendelewa kama inavyodaiwa, lakini ninachojua yanasemwa hayo ili kuwapa hofu waamuzi wanaotuchezesha na kuwajenga wapinzani tunaokutana nao kuwa Simba ni timu ya kupendelewa hivyo hawawezi kushinda"amesema Niyonzima
"Kulingana na hali ilivyo lazima wachezaji, benchi la ufundi na viongozi tuwe makini kwa kuhakikisha tunakwepa hujuma zote zinazoandaliwa dhidi yetu ili kutimiza malengo ya ubingwa tuliyo nayo"
Simba inafukuzia ubingwa wa pili mfululizo ambapo kesho Jumatano itashuka uwanja wa Uhuru kuikabili Coastal Union
