Tarehe kama ya leo miaka saba iliyopita, Simba iliifumua Yanga mabao 5-0 katika mchezo wa ligi kuu ya Tanzania Bara, Emmanuel Okwi wakati huo akiwa 'kinda' akitupia mabao mawili kwenye mchezo huo
Msemaji wa Simba Haji Manara amesema ukichilia mbali mabingwa hao watarajiwa wa ligi kuu kuwahi kuifunga Yanga mabao 6-0 miaka ya 70, kipigo cha mwaka 2012 ndicho kinachowauma zaidi kwani wengi wa mashabiki wa timu hiyo walikishuhudia
"Ni miaka saba kamili imetimia,tokea tulipofanya mauaji makubwa zaidi kwa migongowazi katika karne hii," ameandika Manara ukurasa wa Instagram
"Ingawa kina Emmanuel Okwi hawakuvunja rekodi ya sita bila ya mwaka 1977 tulipowapa kipigo kingine,ila hiki cha tano bila kinawauma zaidi kwa sababu wengi wao wamekishuhudia"
Kwa miaka ya hivi karibuni Simba imetawala mpambano wa watani wa jadi ikiwa haijapoteza mchezo dhidi ya Yanga tangu mwaka 2016
