Simba yajifua na wachezaji wa kikosi B

Kocha msaidizi wa Simba Masudi Djuma jana alilazimika kuwajumuisha kwenye mazoezi wachezaji wa kikosi B.

Simba imerejea kujifua mwanzoni mwa wiki hii baada ya mapumziko ya siku saba.

Baadhi ya wachezaji wanakosekana kutokana kushiriki michuano ya Chalenji nchini Kenya wakiwa na Kilimanjaro Stars huku Juuko Murshidi akiwemo kwenye kikosi cha Uganda.

Mazoezi yanaendelea kwenye viwanja vya Polisi, Kurasini jijini Dar es salaam na yanasimamiwa na kocha msaidizi Masudi Djuma.