Simba ndio itakayocheza na Sevilla mchezo wa kirafiki utakaopigwa uwanja wa Taifa, May 23 mwaka huu
Akieleza sababu ya kuichagua Simba, Katibu Mkuu wa Shirikisho la soka Tanzania (TFF), Wilfred Kidao alisema wamelazimika kuipa nafasi Simba kutokana na ubora wa kikosi chake na mafanikio yake katika ushiriki wa michuano ya SportPesa.
"Kwa hapa nchini Simba ndiyo klabu pekee ambayo imekuwa ikishiriki michuano hiyo na mwaka huu imefika hatua nzuri ya nusu fainali,hivyo tumeona ni vyema ikatuwakilisha katika mchezo huo wa Kimataifa," amesema
Nae Mkurugenzi wa Utawala na Uzalishaji wa Sportpesa Tanzania, Tarimba Abasi amesema, mchezo huo utakuwa chachu ya maendeleo ya soka la Tanzania na utatangaza ukubwa wa soka la Tanzania katika nchi mbalimbali.
"Mchezo huu utaonyeshwa na Runinga mbalimbali za Kimataifa hivyo fursa hiyo itatutangaza ukubwa wetu katika michezo na utalii wa nchi"
