Kocha Mkuu wa Simba Patrick Aussems amesema vijana wake leo wamesahihisha makosa ya mchezo waliopoteza dhidi ya Kagera Sugar na kufanikiwa kuibuka na ushindi wa mabao 2-0 dhidi ya Aliance Fc
Akizungumza baada ya mchezo huo uliopigwa kwenye uwanja wa CCM Kirumba, Aussems amesema Simba ilikuwa katika kiwango bora leo na iliweza kumiliki mchezo huo tangu mapema
Amesema baada ya kupata matokeo muhimu leo, sasa wanaelekeza nguvu kwenye mchezo unaofuata dhidi ya KMC ambao pia utapigwa Keshokutwa katika uwanja wa CCM Kirumba
"Tulimiliki mchezo tangu mwanzo na nimeridhishwa na matokeo," amesema
"Kama timu kwa sasa tunaangalia mbele na tutafanya kwa vitendo zaidi kuliko kuongea kwani baada ya masaa 48 tutakuwa tena hapa kucheza mchezo mwingine"
ADVERTISE HERE
