Tumekubali matokeo, tunajipanga kwa ajili ya mchezo unaofuata - Manara

Baada ya kupoteza mchezo wa leo dhidi ya Kagera Sugar kwa kufungwa mabao 2-1, msemaji wa klabu ya Simba Haji Manara amesema wamepoteza mchezo huo dhidi ya timu iliyojipanga vyema na kucheza vizuri zaidi yao

Amewapongeza Kagera Sugar kwa ushindi huo, amesema Simba inajipanga kwa ajili ya mchezo unaofuata dhidi ya Alliance utakaopigwa Jumanne April 23 kwenye uwanja wa CCM Kirumba

"Tumefungwa kwa sababu hatukucheza vzuri hususani kipindi cha kwanza," amesema Manara

"Kagera walikuwa bora uwanjani kutuzidi na huu ndio mpira. Hatuna malalamiko kwa waamuzi kwani walichezesha vizuri"

"Muhimu wachezaji wetu na benchi la ufundi wajue hiyo ni ishara kwao kuwa ligi hii sio nyepesi,wapambane kuturejeshea ubingwa wetu"