Mshambuliaji kinara wa mabao kikosi cha Simba Meddie Kagere kesho anatarajiwa kuongoza mashambulizi dhidi ya Coastal Union kwenye mchezo wa ligi kuu ya Tanzania Bara utakaopigwa uwanjwa wa Mkwakwani
Baada ya Simba kutolewa hatua ya robo fainali michuano ya ligi ya mabingwa barani Afrika, taji la ligi kuu ndio kipaumbele kilichobaki kwa mabingwa hao wa nchi
Kagere aliyefunga mabao 14 akishika nafasi ya tatu katika orodha ya vinara wa ufungaji nyuma ya Heritier Makambo (15) na Salim Aiyee (16), ana nafasi ya kusogea kileleni kama atawafunga Coastal Union kesho
Mshambuliaji huyo wa Kimataifa wa Rwanda, amesema atahakikisha anaifungia Simba mabao kila atakapopata nafasi ya kufanya hivyo.
Aidha kutokana na idadi kubwa ya mechi ambazo Simba inazo, Kagere anapewa nafasi kubwa ya kuibuka mfungaji bora msimu huu sambamba na nahodha wa mabingwa hao watetezi John Bocco ambaye ana kasi nzuri ya kuzifumania nyavu kwenye ligi
Bocco amepachika mabao 11 mpaka sasa
Mfungaji bora wa msimu uliuopita Emmanuel Okwi yeye amefunga mabao saba
