Afisa Habari wa Simba Haji Manara amesema hakuna sababu ya kujilaumu baada ya Simba kutolewa kwenye michuano ya ligi ya mabingwa barani Afrika kwa kukubali kipigo cha mabao 4-1 kutoka kwa TP Mazembe
Manara amesema hatua iliyofikia Simba msimu huu ni ya kujivunia na hakuna shaka, mafanikio haya yameacha alama barani Afrika
Mkuu huyo wa idara ya Habari na Mawasiliano amesema Simba itaendeleza hapa ilipoishia msimu ujao kwani hakuna shaka itarejea kwa nguvu kwenye ligi ili kutetea ubingwa wake
"Tumetolewa lakini tumeacha alama,tusijilaumu bali kwa hatua hii tujipongeze na Inshaallah Mwakani tutarudi kwa nguvu kubwa Kwenye Ligi ya Mabingwa," amesema Manara
Msimu huu Simba ilijiwekea malengo ya kutinga hatua ya makundi, kufika robo fainali ni mafanikio makubwa kwa mabingwa hao wa nchi
