Wachezaji Zana Coulibaly na Emmanuel Okwi wamepewa kazi maalum huko Lubumbashi kuhakikisha wanawaondoa TP Mazembe kwenye mechi ya marudiano ya Ligi ya Mabingwa Afrika kesho Jumamosi
Kocha Mkuu wa Simba Patrick Aussems amesisitiza kwamba kikosi chake kitakachocheza wikiendi hii kitakuwa na Sapraizi za kumwaga na Emmanuel Okwi guu lake litafanya maajabu.
"Okwi hatukutaka ajitoneshe katika mchezo huo kutokana na kuwa mechi nyingine ya marudiano tutakayocheza wikiendi hii na kweli tunashukuru alipoingia alionyesha utofauti mkubwa.
"Baada ya kumuona kwenye mazoezi ya siku hizi mbili tuliyoyafanya ni matarajio yangu kumuona akiongeza kitu cha tofauti katika mchezo wetu wa marudiano dhidi ya Mazembe," alisema Aussems na kusisitiza kikosi chake kitakuwa na mabadiliko makubwa.
Naye beki aliyen'gara kwenye mchezo uliopita Zana Coulibaly amewatoa hofu mashabiki kuwa wana nafasi ya kupata matokeo ugenini na kutinga hatua ya nusu fainali
"Mashabiki hawatakiwi kuwa na wasiwasi kwa kuwa tunajua tutachoenda kukifanya kwenye mchezo wa marudiano," Zana amenukuliwa na Salehjembe
"Kila timu bado ina nafasi ya kushinda kwa sababu kwenye mchezo wa kwanza hakuna aliyeweza kumfunga mwenzake"
