Shabiki aliyetembea kwa mguu kutoka Mbeya aula

Shabiki Ramadhan Mohamed ambaye alikuja Dar es Salaam akitokea Mbeya kwa miguu ili ashuhudie mchezo wa robo fainali ya ligi ya mabingwa dhidi ya TP Mazembe, leo amekutana na viongozi, wajumbe wa Bodi ya Wakurugenzi na sekretarieti ya Simba

Ramadhani atagharamiwa na Simba kwenda Lubumbashi kuangalia mchezo wa marudiano ambao utachezwa Jumamosi Aprili 13, 2019

Shabiki huyo amekuwa gumzo katika vyombo mbalimbali vya habari vya Kimataifa kutokana na tukio hilo la kutembea zaidi ya kilomita 700