Kiungo wa zamani wa Simba Shiza Kichuya ambaye kwa sasa anaitumikia ENPPI kwa mkopo akitokea klabu ya Pharco Fc iliyomnunua kutoka Simba, ameshindwa kurejea nchini Misri baada ya kuchelewa kupata Visa
Kichuya alikuja nchini kuitumia Stars kwenye mchezo wa kusaka tiketi ya kutinga fainali za AFCON 2019 dhidi ya Uganda Cranes, mchezo ambao Stars ilishinda mabao 3-0
Juzi alikuwepo uwanja wa Jamhuri mkoani Morogoro kushuhudia mchezo wa ligi kuu kati ya Simba dhidi ya Mbao Fc
"Ilipomalizika mechi ya Stars nilianza mipango ya kutafuta Visa ya kuingia nchini Misri kwa sababu nilikuwa natumia kibali cha muda nilichopewa tangu Simba ilipokwenda kucheza na Al Ahly," amesema Kichuya
"Waajiri wangu wanayo taarifa na hivi sasa tunafanya mchakato wa kupata Visa mpya hivyo sitakuwa na muda mrefu hapa Tanzania"
