Mchezo dhidi ya TP Mazembe utapigwa uwanja wa Taifa

Licha ya Simba kwa sasa kutumia uwanja wa Jamhuri kwa michezo yake ya ligi, mchezo wa robo fainali ya ligi ya mabingwa utakaopigwa April 06 2019, utachezwa katika uwanja wa Taifa

Pamoja na uwanja huo kufungwa na Serikali ili kupisha ukarabati ili utumike kwenye michuano ya AFCON U17 inayoanza April 14-28, Simba itaruhusiwa kucheza uwanjani hapo dhidi ya TP Mazembe

Sababu uwanja huo ndio uliidhinishwa na CAF Simba kuutumia kwenye michuano hiyo, mabadiliko yoyote ya uwanja ni lazima yaidhinishwe na Shirikisho hilo la soka Barani Afrika

Baada ya mchezo dhidi ya TP Mazembe Simba itaendelea kutumia uwanja wa Jamhuri kwa michezo yake ya nyumbani hadi pale uwanja wa Taifa utakapofunguliwa tena baada ya michuano ya AFCON ya vijana kumalizika