Kikosi cha Simba kinaendelea na maandalizi kuelekea mchezo wa ligi kuu dhidi ya Mbao Fc utakaopigwa mkoani Morogoro Jumapili huku kocha Patrick Aussems akiupigia hesabu mchezo wa kwanza wa robo fainali ligi ya mabingwa dhidi ya TP Mazembe utakaopigwa April 06 kwenye dimba la Taifa
Aussems ameweka wazi kuwa Simba ina nafasi ya kutinga nusu fainali ya ligi ya mabingwa lakini ni lazima wapate matokeo mazuri nyumbani kabla ya kuelekea nchini Congo kwa ajili ya mchezo wa marudiano
Kama ilivyo kwa Simba, TP Mazembe nayo ina rekodi ya kipekee inapocheza kwenye uwanja wake
Katika michezo nane iliyocheza nyumbani kwenye michuano ya ligi ya mabingwa, TP Mazembe imeshinda yote bila ya kuruhusu bao hata moja
Ni timu ambayo mara nyingi ushindi wake huupatia nyumbani zaidi kuliko ugenini
"Tunajiandaa kikamilifu, lakini kwa sasa maandalizi yetu tumeyaelekeza zaidi kuelekea mchezo dhidi ya Mbao Fc, amesema Aussems"
"Hata hivyo tayari tunazo taarifa kuhusu wapinzani wetu, muhimu tutahakikisha tunapata matokeo mazuri nyumbani kwani tunafahamu mchezo wa Lubumbashi hautakuwa mwepesi"
"Tutautumia mchezo wetu wa nyumbani kujiwekea mazingira mazuri ya kusonga mbele"
