Baada ya mchezo dhidi ya Ruvu Shooting, wachezaji wa Simba ambao hawakuitwa katika timu za Taifa walipewa mapumziko ya siku tano
Mlinzi wa pembeni Zana Coulibaly alitumia mapumziko hayo kurudi kwao Burkina Faso kuiona familia yake
Zana aliyetua Simba wakati wa usajili wa dirisha dogo mwishoni mwa mwezi Novemba mwaka 2018, amesema hakuwa amerejea kwao tangu alipojiunga na Simba
Baada ya kuanza kwa kusuasua katika kikosi cha Simba, Zana ameimarisha kiwango chake sasa akiwa mmoja wa wachezaji wa kutegemewa wa mabingwa hao wa soka Tanzania Bara
Zana amempiku Mghana Nicolas Gyan katika nafasi ya ulinzi wa kulia wakati huu ambao mwenye namba yake Shomari Kapombe akiendelea kuuguza majeraha ya goti aliyopata mwishoni mwa mwaka jana wakati akiitumikia timu ya Taifa
Zana anatarajiwa kurejea nchini kesho Jumapili tayari kuanza mazoezi kwa ajili ya maandalizi ya mchezo dhidi ya TP Mazembe
Simba inatarajiwa kuanza kujifua Jumatatu
