Kampuni ya kubashiri matokeo, SportPesa ambao ndio wadhamini wakuu wa Simba, imetoa pongezi kwa mabingwa hao wa Tanzania Bara kwa kufanikiwa kufuzu hatua ya robo fainali ya michuano ya ligi ya mabingwa barani Afrika
Mkurugenzi wa SportPesa kwa upande wa Tanzania, Abbas Tarimba amesema wakiwa wadhamini wa klabu hiyo, wanajivunia mafanikio waliyopata katika michuano hiyo
Amesema mafanikio hayo ya Simba yameipa heshima Tanzania. SportPesa imeahidi kutoa kitita cha Milioni 50 kama 'bonus' kwa Simba kutokana na hatua hiyo waliyofikia.
"Sisi kama SportPesa tutatoa kiasi cha shilingi za kitanzania milioni 50 kwa Simba kutokana na mafanikio haya waliyopata kwa kuingia hatua ya robo fainali, Ligi ya Mabingwa Afrika," amesema Tarimba
"Tunaipongeza Simba, wachezaji pamoja wa wanachama wake kwa kuisaidia timu kutinga hatua hii"
