Mshambuliaji wa Tenerife inayoshiriki ligi daraja la kwanza nchini Hispania (Segunda B) Shabani Iddi Chilunda amekana kusajiliwa na wekundu wa Msimbazi
Aidha Chilunda ameikana picha inayosambaa kwenye mitandao ya kijamii ikimuhisha yeye akisaini kuitumikia klabu ya Simba
Chilunda aliyewasili nchini hivi karibuni kwa ajili ya majukumu ya timu ya Taifa, amesema bado ana mkataba wa muda mrefu na Tenerife
Ingawa picha iliyosambaa kwenye mitandao ya kijamii sio yake, Chilunda anadaiwa kuwa mbioni kutimka nchini Hispania baada ya kukosa nafasi katika kikosi cha kwanza cha timu hiyo
Chilunda alianza kuhusishwa na Simba hata kabla Tenerife haijamsajili kutoka klabu ya Azam Fc mwishoni mwa msimu uliopita
Ni miongoni mwa wachezaji chipukizi kutoka Tanzania ambao wanatabiriwa kuja kupata mafanikio siku zijazo kama watajituma zaidi
