Kiungo Haruna Niyonzima leo amezikonga nyoyo za mashabiki wa Simba baada ya kuupiga mpira mwingi kwenye mchezo dhidi ya AS Vita Club
Niyonzima aliingia katika dakika ya 58 kuchukua nafasi ya Emmanuel Okwi ambapo kuingia kwake kuliiongezea makali Simba iliyokuwa ikisaka bao la ushindi kwa 'udi na uvumba'
Niyonzima alihusika katika kupatikana kwa bao la pili lililowekwa kambani na Clatous Chama 'Mwamba wa Lusaka' baada ya 'kuwapoteza maboya' mabeki waliofiki angeunganisha krosi ya Bocco lakini akaupisha mpira kumuachia Chama aliyekuwa katika nafasi nzuri zaidi ya kufunga
Kwa ujumla wachezaji wote wa Simba wanastahili pongezi za dhati kwa kazi kubwa waliyofanya leo kuhakikisha wanaipeleka Simba robo fainali ya michuano ya ligi ya mabingwa
Niyonzima amepongezwa zaidi kutokana na juhudi kubwa alizoonyesha tangu kuimgia kwake mpaka kupelekea Simba kuibuka na ushindi
