Kiungo Clatous Chama amewanyamazisha waliokuwa wameanza 'kuchonga' kuwa kwa siku za karibuni amekuwa hana msaada kwa Simba hasa katika michuano ya ligi ya mabingwa baada ya leo kufunga bao lililoipeleka Simba robo fainali ya michuano hiyo
Kwa wasiomfahamu vizuri Chama, mwaka 2016 alikuwa katika kikosi cha ZESCO kilichotinga nusu fainali ya michuano hii yeye akiibuka kinara wa upachikaji mabao katika kikosi hicho kilichokuwa kikinolewa na George Lwandamina
Kwa mara nyingine uzoefu wake umeinufaisha Simba kwenda hatua inayofuata akifanya hivyo pia wakati Simba ilipochuana na Nkana Fc na kushinda mabao 3-1 kujihakikishia nafasi ya kutinga hatua ya makundi
Chama atabaki mioyoni mwa mashabiki wa Simba kwa miaka mingi kwani mabao yake aliyofunga katika michezo miwili muhimu yatabaki katika kumbukumbu za klabu ya Simba
