Maafisa wa klabu ya AS Vita wanatuhumiwa kumshambulia mwandishi wa gazeti la Champion, Ibrahim Mussa katika mazoezi ya timu hiyo yaliyofanyika uwanja wa Taifa jana jioni
Tukio hilo la kushambulia mwandishi limelaaniwa vikali na wadau wa soka nchini akiwemo msemaji wa klabu ya Simba Haji Manara
Manara amesema tukio hilo lisilo la kiungwani linadhihirisha ni kwa kiasi gani timu hiyo imeingia 'mchecheto' kuelekea mchezo baina ya timu hizo jioni ya leo
Manara amewataka mashabiki wa Simba wawe watulivu, wasilipize kisasi na badala yake wajitokeze kwa wingi uwanja wa Taifa kuipa nguvu timu yao iweze kuibuka na ushindi
"Hiki kitendo wa watu wa Vita kumpiga huyu kijana anayeonekana Mwandishi wa Habari siyo cha kiungwana na kinapaswa kilaaniwe," amesema Manara
"Kwanini hawa watu wamepaniki kiwango hiki?"
"Nawasihi Wanasimba msirudishie ugomvi ili wasipate sababu ya kulalamika"
"Twendeni tukamalizane nao kwenye Uwanja pale Taifa usiku wa leo"
Tangu ilipowasili juzi, AS Vita maafisa wa timu hiyo wamegoma kuzungumza na waandishi wa habari huku wakizuia mtu yeyote wakiwemo waandishi kushuhudia mazoezi yao
