Mabingwa wa soka Tanzania Bara Simba leo watakuwa uwanja wa Taifa kuikabili AS Vita Club katika mchezo wa ligi ya mabingwa kukamilisha hatua ya makundi
Kikosi cha Simba kinahitaji ushindi ili kutinga robo fainali ya michuano hiyo mikubwa zaidi barani Afrika kwa ngazi ya vilabu
Jana jioni Simba ilifanya mazoezi yake ya mwisho katika uwanja wa Taifa, wachezaji wakiwa na ari kubwa kuelekea mchezo huo
Silaha kubwa ya Simba leo ni mashabiki wake ambao wanatarajiwa kuujaza uwanja wa Taifa
Kocha Mkuu wa Simba Patrick Aussems amesema vijana wake wako tayari kwa mapambano. Wachezaji wameapa kuendeleza wimbi la ushindi katika dimba lao la nyumbani
Kwani msimu huu hakuna timu iliyotoka salama 'machinjioni' kwenye uwanja wa Taifa katika michuano ya ligi ya mabingwa
Mchezo huo utaanza saa moja usiku ukipigwa sambamba na mchezo mwingine wa kundi D kati ya Al Ahly dhidi ya JS Saoura
Kila la kheri Wekundu wa Msimbazi, ushindi ni jadi yetu
