Kikosi cha mabingwa wa soka Tanzania Bara Simba leo kinaanza maandalizi ya mchezo wa ligi ya mabingwa dhidi ya AS Vita utakaopigwa Jumamosi, March 16 kwenye uwanja wa Taifa
Baada ya kuwasili salama jana kutoka Algeria, wachezaji walipewa mapumziko na leo wataingia kambini leo kujiandaa na mchezo huo ambao Simba inahitaji ushindi ili iweze kutinga robo fainali
Daktari wa kikosi cha Simba Dk Yassin Gembe amesema wachezaji wa timu hiyo wako katika hali nzuri isipokuwa Paschal Wawa na Haruna Niyonzima ambao walipata majeraha madogo kwenye mchezo dhidi ya JS Saoura
Katika hatua nyingine, wachezaji Emmanuel Okwi, Juuko Murshid na Erasto Nyoni leo watajumuika kwenye mazoezi ya Simba ynayofanyika uwanja wa Boko Veterans
Wachezaji hao walikosa safari ya Algeria kutokana na sababu mbalimbali ambapo Juuko alikuwa akitumikia adhabu ya kadi mbili za njano wakati Okwi na Nyoni wakiwa majeruhi
Dk Gembe amesema hali za Okwi na Nyoni zimeimarika na wataanza mazoezi kamili na wenzao leo
